Ўзбекистон олимпия терма жамоаси ва "Ростов" ўртасидаги баҳс бугун соат 21:00да бошланади. Бўлажак ўйин ҳақида ростовликлар ярим ҳимоячиси Тимофей Калачев фикрларини билдирди.

— Тимофей, йиғин ниҳоясига етмоқда, бугун навбатдаги ўйин бўлиб ўтади. Ўйинга қандай тайёргарлик кўряпсизлар?
— Барчанинг кайфияти яхши, биринчи ўйин ҳолатидан чиқиб боряпмиз. Футболчилар руҳий жиҳатдан яхши ҳолатда ва барча ўйнашга ва ғалаба қозонишга тайёр.

— Рақиб ҳақида нима дея оласиз?
— Уларнинг "Шахтёр" билан ўйинини кўрдик. Йигитларда иштиёқ катта экани кўриниб турибди. Жамоа яхши ҳаракат қилмоқда, курашмоқда. Яхши ўйнаш олишлари кўриниб турибди. Ўйин осон бўлмаслигини олдиндан сезиб турибман. Бизга оғир бўлади.

— Ушбу йиғин асосан жисмоний ҳолатни яхшилаш учун ўтказилаётганини инобатга олсак, ўзингизни қандай ҳис қиляпсиз?
— Шуғулланаётганимизга бир ҳафтадан ошди ва барчаси мураббийларнинг режаси остида кетмоқда. Тайёргарлик яхши кетмоқда ва биз аста-секин формага кириб боряпмиз.