«Тоттенхем» ҳужумчи Сон Хён Мин билан шартномани узайтириш бўйича музокараларни бошлаб юборган. Бу ҳақда Британия матбуоти хабар бермоқда. Амалдаги келишув муддати 2023 йил июнида тугайди.
Қайд этилишича, айнан Сон Харри Кейн кетган тақдирда «шпорлар» ҳужумларида этакчига айланиши керак. Жорий мавсум кореялик футболчи 46 учрашув ўтказиб, 20 та гол урди ва 16 та голга узатма берди.
Transfermarkt 28 ёшли Сонни 85 миллион эврога баҳоламоқда.