Римнинг "Лацио" клуби раҳбарияти Москванинг ЦСКА клуби ярим ҳимоячиси Кейсуке Хондани сотиб олиш фикридан қайтиб, энди эътиборини Милош Красичга қаратмоқда. Бу ҳақда "Gazzetta dello Sport" нашри хабар бермоқда.
Нашр маълумотларига кўра, ЦСКА япониялик футболчи учун талаб қилган 16 миллион евро миқдоридаги нарх италияликларнинг фикридан қайтишига сабаб бўлган. Шу сабаб "бургутлар" эътиборларини нисбатан арзон вариантларга қаратишган.
Хусусан, "Лацио" ушбу мавсум Турин клуби асосий таркибида камдан-кам майдонга тушаётган ярим ҳимоячи Милош Красич масаласида "Ювентус" билан музокараларга киришишга тайёр. "Кекса синьора" раҳбарияти ҳам, жамоа мураббийи Антонио Контенинг ўйин услубига мос келмаган сербиялик ярим ҳимоячи билан камида ижара асосида хайрлашишга тайёрлар.
Қайд этиб ўтиш жоиз, Милош Красични Туркиянинг "Фенербаҳче" клуби ҳам мавсум якунига қадар ижарага олишни режалаштирмоқда.
Эслатиб ўтамиз, Милош Красич ушбу мавсум "А" Серия ўйинларида доирасида етти учрашувда майдонга тушган бўлиб, битта гол муаллифига айланган.