Малайзияда келишилган учрашувлар боғлиқ янги можаро юзага келди. Бу ҳақда "New Straits Time" газетаси хабар бермоқда.
Жума куни "Перлис" клубининг тўққиз нафар футболчиси ички чемпионатдаги мағлубият учун номаълум букмекердан 25 минг доллардан олишга рози бўлганликларини тан олган. Айни вақтда футболчиларнинг барчаси тергов қилинмоқда, уларга уюшган жиноятчилик ва коррупция бандлари бўйича айблов эълон қилинган.
Малайзияда 1994 йили шунга ўхшаш катта можаро юз берган бўлиб, ўшанда 21 ёшли футболчи ҳамда унинг мураббийи умрбод футболдан четлатилган, 58 киши эса турли муддатга қамоқ жазосига ҳукм қилинганди.