Ўзбекистон Профессионал футбол лигаси ҳар ой Coca-Cola Суперлиганинг энг яхши мураббийи ва футболчиси, шунингдек, энг чиройли голини аниқлаб келади. 2021 йилдан бошлаб Про лига мураббийлари ва футболчилари учун ҳам шундай сўровнома ўтказилади. Ортда қолаётган апрель ойида Про лигада 3 та тур учрашувлари бўлиб ўтди. Мазкур беллашувлар давомида кўплаб футболчи ва мураббийлар ўзларини кўрсатишга эришди.

Апрель ойининг энг яхши мураббийи бўлиш учун номзодлар

Александр Ежов (“Хоразм”) – 2 та ўйин, 2 ғалаба

Илҳом Мўминжонов (“Нефтчи”) – 3 ўйин, 2 ғалаба

Темур Кападзе (“Олимпик”) – 3 ўйин, 2 ғалаба

Апрель ойининг энг яхши футболчиси бўлиш учун номзодлар

Рўзим Аҳмедов (“Хоразм”) – 3 ўйин, 4 гол

Марко Обрадович (“Нефтчи”) – 3 ўйин, 2 гол

Олег Марчук (“Динамо”) – 2 ўйин, 2 гол

Алишер Одилов (“Олимпик”) – 3 ўйин, 2 гол

Эслатиб ўтамиз, овоз бериш жараёнида Про лига клублари бош мураббийлари ва сардорлари ҳамда мухлислар иштирок этади. Про лиганинг 9 клуби бош мураббийлари ҳамда сардорлари кўрсатилган номзодларни учталикка жойлаштириб чиқади. Дастлабки ўринда кўрсатилган номзод 3, мос равишда кейинги икки ўриндагилар 2 ва 1 очколик бўлади. ЎзПФЛ томонидан футбол мухлислари ўртасида ўтказилган сўровнома натижаси эса мураббий ва сардорлар ўртасида ўтказилган сўровнома натижаларига қўшилади. Бунда мухлислар овози катта аҳамиятга эга бўлиб, биринчи ўринни эгаллаган номзод 6, мос равишда кейингилар 4 ва 2 очкодан қўлга киритади. Якунда энг кўп балл тўплаганлар ойнинг энг яхшилари сифатида эътироф этилади. Мазкур ҳавола орқали апрель ойининг энг яхшиларини аниқлаш жараёнида иштирок этиш имкониятига эгасиз.