Bild журналисти Кристиан Фалк «Челси»нинг мақсади «Интер» форварди Ромелу Лукакуни қўлга киритиши эканлиги ҳақида гапирди.
«Шундай. Лекин, бу Тухелнинг трансфер борасидаги орзуси - Холанд билан бўладиган ҳолатни қандай ривож топишига боғлиқ. Бироқ, Томас ушбу трансфер амалга ошиши жуда қийин эканлигини билади. Шунингдек, ўйинчисини сотишни истамаётган «Боруссия»ни ҳам кўндириш керак бўлади.
Натижада, бошқа бир кучли ҳужумчига зарурият туғилади. Тухел Лукакунинг ўйинларидан завқланади ва шундай форвардга эга бўлишни истаган бўларди», — деди Фалк.
Аввалроқ, «Челси» Лукаку учун 100+ млн евро таклиф этишга тайёр эканлиги ҳақида маълумот берилганди.