АПЛ 34-туридан ўрин олган «Манчестер Юнайтед» ва «Ливерпуль» жамоалари ўртасидаги баҳсни вақтида бошлаш иложсиз бўлиб қолмоқда.
Sky Sports нашрининг хабарига кўра, "Олд Траффорд" стадионида МЮ мухлислари қўзғолон қилишмоқда. Улар жамоа раҳбарияти Глейзерларни клуб бошқарувидан кетишини исташмоқда.
Қайд этилишича, учрашув ҳаками Майкл Оливер ва унинг бригадаси стадионга етиб келишган. Аммо, ўйин номаълум вақтга қолдирилган.
Иккала жамоа ҳали ҳам меҳмонхонада қолишга мажбур бўлишмоқда ва у ерни тарк эта олишганича йўқ.
Баҳс Тошкент вақти билан 20:30да бошланиши кўзда тутилган эди.
