«Ювентус» раҳбарияти «Интер»ни чемпионлик билан табриклади.
«А Сериянинг 2020/2021 йилги мавсум чемпионлиги учун Браво «Интер», — дея пост қолдирилди «Ювентус»нинг твиттердаги саҳифасида.
Шунингдек, туринликлар президенти Андреа Аньелли «Интер»даги ҳамкасби Стивен Чжанни чемпионлик билан табриклади.
«Яхши иш, Стивен! Жуда хурсандман. Майдонда сизнинг рақибингиз, ташқарида дўстингиз эканлигимдан фахрланаман. Биз қайтамиз» , — дея ёзди Анелли.
«Интер» А Серияда 2009/2010 йилги мавсумдан бери илк бор чемпион бўлди ва «Ювентус»нинг кетма-кет 9 йиллик гегемонлигига якун ясади.
