«Барселона» 2 май, якшанба куни сафарда «Валенсия» клуби меҳмони бўлиб, 3:2 ҳисобида ғалаба қозонди.
«Кўк-анорранглилар» сардори Лионель Месси мазкур баҳсда иккита гол уришга муваффақ бўлди. Аргентиналик футболчи голларидан бири жарима зарбаси орқали урди. Унинг зарбасидан сўнг тўп устунга тегиб, чизиқни кесиб ўтди.
"Opta" тарқатган хабарга кўра, Мессининг "Барса" сафидаги барча мусобақалар доирасидаги жаримадан урган голлари сони 50тага етди.