«Тоттенхем» бош мураббийи Райан Мэйсон жамоа яримҳимоячиси Гарет Бэйлнинг ўйини ҳақида гапирди. Эслатиб ўтамиз, кеча уэлслик футболчи «Шеффилд»га қарши ўйинда хет-трик қайд этди. Мэйсон Бэйлни жаҳон даражасидаги футболчи деб билади.
«Мен кеча Гарет Бэйлни дарвоза олдида имконият яратиш қобилиятини ҳалиям йўқотмаганлигига амин бўлдим. У жаҳон даражасидаги ўйинчи, у буни йиллар давомида исботлади. Мен учун энг ёқимли нарса унинг жамоага муносабати, жамоа учун қандай ишлаши, майдон бўйлаб қандай тезликда югуриши эди.
Ўйлашимча, Бэйл «Тоттенхем»да қолади. Бу ҳақда мавсум охирида гаплашамиз. Бизнинг устувор вазифамиз навбатдаги учрашув», - дейди Мэйсон.
