Осиё Чемпионлар лигаси гуруҳ босқичининг 2-тур учрашувлари ҳакамлари тайинланди. 21 март куни Саудия Арабистонининг Жидда шаҳридаги Шаҳзода Абдуллоҳ ал-Файсал стадионида бўлиб ўтадиган «С» гуруҳининг «Ал-Аҳлий» - «Сепоҳон» учрашувини Валентин Коваленко бошчилигидаги Рафаэль Илёсов, Маъмур Саидқосимов ва қирғизистонлик Т.Файзуллиндан иборат ҳакамлар гуруҳи бошқариб боришади.

Ушбу учрашувдан бир кун аввал Токиодаги «Адзиномото» стадионида «F» гуруҳи доирасидаги «Токио ФК» - «Ульсан Хёндэ» учрашувини Равшан Эрматов бошқаради. Унга қанотларда ҳамюртимиз Абдулҳамидулло Расулов ва қирғизистонлик Баҳодир Қўчқоров ёрдам беришади. Тўртинчи ҳакам ҳам ҳам юртимиз – Владислав Цейтлин.