“Андижон” – “Қўқон-1912” (1:2) ўртасидаги учрашувдан кейин мезбонлар бош мураббийи Ёрқин Назаров журналистларнинг саволларига жавоб қайтарди.

- Фикримча, бугун яхши ўйин бўлди. Мухлислар зерикиб қолишгани йўқ. Футболчилар қўлидан келганича ҳаракат қилишди. Афсус, дебютимизни ҳеч бўлмаганда дуранг билан бошламоқчи эдик.

Омад келмади. Пенальти – бу 50х50 лотерея. Ўйинга тўрт кун вақтимиз бор эди. Футболчилар нимани истаётганимизни тушунишганини кўриб турибман. Ғалабали ўйинларимиз ҳали олдинда.

Сўнгги 20 дақиқа ичида биз ютқазаётгандик. Ўйинни ютмоқчи эдик. Шу боис охирларида йигитлар ўйинга янада қўшишди. Ўзи мағлубиятга учраётганда шунақа бўлади. Ўйиндан ўйинга очилаётганимизни сезяпман", - дейди мураббий.