Ўзбекистон футбол ассоциацияси хатига биноан, 24-29 май кунлари Украинанинг пойтахти Киев шаҳрида В. В. Лобановский хотира турнири ўтказилади. Шу сабабли Ўзбекистон U23 жамоасининг 20-30 май кунлари ўқув-машғулот йиғини ҳамда ушбу мусобақада иштироки режалаштирилган. Ўқув-машғулот йиғинига “Олимпик” жамоасидан 11 нафар футболчи ва 4 нафар мураббий жалб этилмоқда.
Шуни инобатга олган ҳолда, “Олимпик” клуби ЎзПФЛга юборган хатига асосан, жамоанинг Про лига доирасидаги икки учрашуви саналарини бошқа кунга кўчирилади.
8-турдан ўрин олган “Хоразм” – “Олимпик” учрашуви 22 майдан 19 майга ҳамда 9-тур доирасидаги “Олимпик” – “Динамо” учрашуви 28 майдан 3 июнь санасига кўчирилди.
