Германия Бундеслигасининг 32-турида «Бавария» 8 май, шанба куни «Боруссия М»ни қабул қилди.

Биринчи бўлимдаёқ мюнхенликлар рақиб дарвозасига жавобсиз тўртта гол урди. Роберт Левандовски дубль қайд этган бўлса, Томас Мюллер ва Кингсли Коман бир мартадан рақиб дарвозасини ишғол қилди.

66-дақиқада Левандовски пенальтини аниқ ижро этган ҳолда жамоасининг бешинчи голини урди. 75-дақиқада «Бавария» Танги Нянзунинг четлатилишидан кейин бир ўйинчи кам бўлиб қолди. Учрашув якунланиши арафасида Лерой Сане якуний ҳисобни ўрнатди — 6:0.

Аввалроқ «Лейпциг» «Боруссия Д»га ютқазгач, мюнхенликлар муддатидан аввал чемпионликни қўлга киритганди. Ушбу ғалабадан кейин «Бавария»нинг очколари 74 тага етди. «Боруссия М» эса кучли тўртликка кириш имкониятларини деярли йўқотди.

Бундеслига, 32-тур
8 май, шанба
«Бавария» – «Боруссия М» 6:0
Голлар: 1:0 – 2 Левандовски, 2:0 – 23 Мюллер, 3:0 – 34 Левандовски, 4:0 – 44 Коман, 5:0 – 65, пенальти Левандовски, 6:0 – 85 Сане.
«Бавария»: Нойер, Павар, Боатенг (Хави Мартинес, 71), Люка Эрнандес, Дэвис, Алаба (Горетцка, 60; Нянзу, 70), Киммих, Мусиала (Гнабри, 60), Мюллер, Левандовски, Коман (Сане, 60).
«Боруссия М»: Зоммер, Лайнер, Гинтер, Эльведи, Бенсебайни (Вендт, 69), Лазаро (Вольф, 46), Ҳофманн (Штиндль, 69), Закария, Нойҳаус, Эмболо, Тюрам (Плеа, 46).
Огоҳлантириш: Нойҳаус (65).
Четлатиш: Нянзу (75).