Маълумки, айни дақиқаларда Dubai Matchworld Cup турнири финалида Олимпия терма жамоамиз “Зенит”га қарши майдонга тушган. 

Афсуски, учрашув юртдошларимиз учун муваффақиятсиз бошланди. Бухаров билан тўқнашувда ўйин қоидасини бузган дарвозабонимиз Акбар Тўраев ҳакам томонидан қизил карточка билан сийланди ва дарвозамиз томон пенальти белгиланди.

Қизиғи, ушбу четлатишдан сўнг, таркибимизда дарвозабон қолмаганди. Санжар Қувватов “Ростов”га қарши учрашувда майдондан четлатилганди. Энди дечрли бутун ўйин давомида дарвозада бирор ўйинчи туришга мажбур бўлиб қоларди. 

Яхшиямки, томонлар бу борада муросага келдилар. Турнир ўртоқлик мақомида бўлгани учун рақиб ҳам қаршилик кўрсатмади ва дисквалификацини ўташи керак бўлган Санжар Қувватов майдонга чиқарилди. У терма жамоамиз ҳужумчиси Темурхўжа Абдуҳолиқовни алмаштирди. 

Пенальтини “Зенит” ярим ҳимоячиси лазович аниқ бажариб, питерликларни ҳисобда олдинга олиб чиқди. 

Жамоалар учрашувни қўйидаги таркибда бошлашганди:

Ўзбекистон: А. Тўраев, Исматуллаев, Ҳожиакбаров, Тўхтахўжаев, Мустафоев, Қиличев, Зотеев, Ҳасанов, Мусаев, К. Тўраев, Абдуҳолиқов
«Зенит»: Жевнов, Ломбертс, Губочан, Лукович, Алвеш, Бистров, Денисов, Зирянов, Лазович, Широков, Бухаров