Суперлиганинг 5-тури доирасидаги қолдирилган "Турон" – АГМК (0:1) ўйинидан сўнг меҳмонлар бош мураббийи Миржалол Қосимов ўз фикрларини билдирди.
"Ўйин курашларга бой, қизиқарли кечди. Албатта, "Турон" жамоасига ҳам қойил қолиш керак. Жуда ажойиб атмосферада тўп тепдик. Майдон сифати аъло даражада. Жамоа раҳбарларига раҳмат айтамиз ва ишларига ривож тилаймиз.
95-97% футболчиларимиз рўза тутишмоқда. Тиғиз тақвимга қарамасдан, йигитлар жуда яхши ҳаракат қилишди ва омадимиз келиб, ғалаба қозондик. "Турон" – яхши, жанговар жамоа. Кейинги ўйинларда ҳам шундай ҳаракат қилишса, ижобий натижа кўрсата олишади", дейди – Миржалол Қосимов.
