«Интер» ҳужумчиси Лаутаро Мартинес ушбу ёзда «нерадзурри»лар сафидан кетмоқчи эмаслигини билдирган. Бу ҳақда у Италия матбуотига берган интервьюсида айтиб ўтди.

«Менда «Барселона» футболчисига айланиш имконияти бор эди, аммо мен «Интер»да бахтлиман ва шу ерда қолишга қарор қилдим.

Мен раҳбариятдан мамнунман ва айни дам шартномани узайтириш бўйича музокаралар олиб бормоқдаман. Тез орада келишувга эришилади», - дейди Мартинес.

Жорий мавсум Лаутаро Мартинес «Интер» таркибида барча турнирларда 45 та ўйин ўтказди. Унинг ҳисобида 18 та гол ва 9 та голли пас бор.