Мадриднинг «Реал» клуби ярим ҳимоячиси Марко Асенсио ёзги трансфер ойнасида жамоасини ўзгартириши мумкин.
Tuttojuveнинг маълум қилишича, ярим ҳимоячи бош мураббий Зинедин Зидан қўл остида ўтказган ўйин амалиётидан норози. Агар француз мутахассиси жамоа бошқарувида қоладиган бўлса, Асенсио ўзини трансферга қўйиш борасида сўров юборади.
Футболчи фаолиятини давом эттириши мумкин бўлган вариантлари орасида Туриннинг «Ювентус»жамоаси ҳам бор.
Марко Мадрид жамоаси рангларини 2015 йилнинг ёзидан бери ҳимоя қилиб келади. Унинг шартномаси 2022/2023 йилги мавсум охиригача амал қилади. Ярим ҳимоячининг трансфер қиймати эса 35 миллион эврога баҳоланмоқда.
Ушбу мавсум, Марко Асенсио «қаймоқранглилар» билан 32 учрашув ўтказиб, 5 гол урди ва 2 голга узатма амалга оширган.
