Нидерландиялик мутахассис Роналд Куман яна бир бор Каталониянинг «Барселона» жамоасидаги келажаги ҳақида берилган саволга жавоб берди.

Бу Испания чемпионатининг 36-тури доирасида кечган «Леванте» билан (3: 3) ўйиндан сўнг содир бўлди.

«Масъулият менда, чунки мен бош мураббийман. Мен жуда хафа бўлдим. Жамоа етакчи эди, очко йўқотишимиз ҳеч кимнинг хаёлига ҳам келмаган эди.

Мураббийларга келажак ҳақида тез-тез саволлар беришади. Табиийки, бундай натижадан кейин улар мендан норози бўлишади», - дейди Куман.

Маълумот ўрнида, айни пайтда Каталония клуби 76 очко тўплаб, турнир жадвалида иккинчи ўринда бормоқда. «Атлетико Мадрид» эса 77 очко билан Испания чемпионатида пешқадам бўлиб турибди.