Андреа Пирлонинг нафақат Жанлуижи Буффон, балки «Ювентус»нинг бошқа бир қатор футболчилари билан ҳам муносабатлари кўнгилдагидек эмас.
La Gazzetta dello Sport ўз саҳифаларида кўпгина футболчилар нафақат Пирлонинг жуда осон машғулот ишларидан, балки Уэстон Маккеннига оид гапларидан норози бўлганликларини ёзмоқда. Яқинда, Турин клуби бош мураббийи Маккенни 50% эмас, 100% профессионал бўлиши кераклигини уқтирган эди.
Манбада қайд этилишича, Пирлонинг «Ювентус»даги ишини сақлаб қолиш учун имкониятлари юқори эмас. Катта эҳтимол билан клуб ушбу мавсум охирида мураббий билан хайрлашади.
Маълумот учун, айни пайтда «Ювентус» 69 очко билан А Серия турнир жадвалида бешинчи ўринни эгаллаб турибди.
