«Барcелона» сардори Лионель Месси клуб билан янги шартнома имзолаши мумкин, аммо музокаралар яқин орада бўлмайди.

Каталония клуби раҳбарияти ҳали ҳам аргентиналикка янги шартнома таклиф қилиш учун мақбул фурсатни кутмоқда. Чунки «Барса» президенти Хуан Лапорта клуб молиявий жиҳатдан нималарга қодирлигини аниқ билиши керак.

Таҳминларга кўра, Америка кубогидан сўнг, 33 ёшли ҳужумчи учун янги шартнома имзоланиши мумкин. Месси 11 июнь - 10 июль кунлари бўлиб ўтадиган турнирга «Барcелона» билан янги келишувсиз бориши эҳтимоли бор, деб ёзади El Largueroнинг сўзларига асосланиб Diario Sport.

Энди футболчи бор эътиборини жамоанинг ўйинига қаратган, у мавсумнинг қолган қисмини муваффақиятли ўтказишни хоҳламоқда.

Мессининг клуб билан амалдаги шартномаси июнь ойида ўз ниҳоясига етади.

Маълумот учун, ҳужумчи ушбу мавсум Ла Лиганинг 34 ўйинида майдонга тушиб, ўз ҳисобига 29 гол ва 9 ассист ёздириб қўйган.