«Интер» ҳужумчиси Ромелу Лукаку ўз туғилган кунини ноқонуний ўтказгани учун санкцияларга дуч келиши мумкин.
Хабар қилинишича, полиция тунги соат учларда Милан марказидаги меҳмонхонага кириб, бельгиялик ҳужумчининг туғилган кунини нишонлаётганини кўрган.
У билан бирга Ашраф Ҳакими, Иван Перишич ва Эшли Янг ҳамда яна 20 киши, шу жумладан тадбирни ташкил этган меҳмонхона директори бор эди. Барча иштирокчилар карантин қоидаларини турли хил тартибда бузганликлари учун жазоланади.
Эслатиб ўтамиз, «Интер» муддатидан олдин Италия чемпионига айланганди. Лукакунинг Милан клуби билан шартномаси 2024 йил 30 июнгача мўлжалланган.
