«Манчестер Сити» ҳужумчиси Серхио Агуэро «Барселона»га эркин агент сифатида ўтишга яқин турибди.
Бу борада Каталония клуби ва 32 ёшли аргентиналикнинг агенти шахсий келишувга эришди. Футболчи 1 июлдан бошлаб «Барса» футболчисига айланади ва икки йиллик шартнома имзолайди, деб хабар берди Diario Sport.
Манбанинг хабарига кўра, Агуэро ўз орзусини бажариш ва дўсти Лионель Месси билан ёнма-ён ўйнаш учун ойлик маошининг дастлабки талабларини пасайтирган.
Мураббий Роналд Куман фақатгина Агуэронинг трансфери Мемфис Депайнинг жамоага келиш имкониятини истисно қилмасагина битимни маъқуллади.
Маълумот учун, жорий мавсумда Агуэро АПЛда 11 ўйин ўтказиб, 2 гол урди ва 1 голли узатма амалга оширди.
