ПСЖ ҳанузгача «Реал» сардори Серхио Рамосга қизиқиш билдирмоқда. ПСЖ нима қилиб бўлса ҳам испанни қўлга киритиш йўлларини изламоқда.
AS хабарига кўра, парижликлар «Реал» ўз футболчиси билан янги шартнома борасида келиша олмаётганидан фойдаланмоқчи. Бундан ташқари, ПСЖ Неймарга таркибни кучли стратегияда кучайтиришга ваъда берган.
Бу йўлда эса табиийки жамоага тажрибали Рамос ёрдами керак бўлади.
Эслатиб ўтамиз, «Реал» Рамосга иш ҳақини 10 фоизга қисқартириш билан бир мавсумга мўлжалланган шартнома таклиф қилган эди. Бироқ, футболчи икки йиллик келишувни истамоқда.
Рамос келажаги борасида мавсум охирида сўнгги қарорни қабул қилади.
