Англия чемпионатининг 36-тури доирасида «Манчестер Сити» 14 май куни сафарда «Ньюкасл» меҳмони бўлди.

Тенгма-тенг курашлар остида кечган дастлабки бўлимда даврозаларга 4та тўп киритилди — 2:2. Иккинчи бўлим ўрталарида эса "қарғалар" учинчи голни уришди. Аммо кейинги 4 дақиқада Ферран Торрес ўз ҳисобига иккита гол ёзиб, "шаҳарликлар"нинг ғалабасини таъминлади. Испаниялик футболчи биринчи таймда ҳам битта гол муаллифига айланган эди. Шу боис, у кеча хет-трикни расмийлаштирди.

Ушбу ғалабадан кейин чемпионликни муддатидан олдин расмийлаштириб бўлган «Сити»нинг очколари сони 83 тага етди. «Ньюкасл» эса 39 очко билан 16-поғонани банд этган.

АПЛ, 36-тур
14 май, жума
«Ньюкасл» – «Манчестер Сити» 3:4
Голлар: 1:0 – 25 Крафт, 1:1 – 39 Жоау Канселу, 1:2 – 42 Ферран Торрес, 2:2 – 45, пенальти Жоэлинтон, 3:2 – 62 Уиллок, 3:3 – 64 Ферран Торрес, 3:4 – 66 Ферран Торрес.
«Ньюкасл»: Дубравка, Фернандес (Гэйл, 88), Дамметт, Крафт, Ритчи (Лонгстафф, 84), Уиллок, Мерфи, Шелви, Альмирон, Сен-Максимен, Жоэлинтон (Льюис, 84).
«Манчестер Сити»: Карсон, Эрик Гарсия, Аке, Уокер, Жоау Канселу (Менди, 74), Гундўғон, Родри, Ферран Торрес, Бернарду Сильва, Стерлинг, Габриэль Жезус.
Огоҳлантиришлар: Ритчи (36), Родри (44), Жоау Канселу (56), Шелви (59).