Marca нашрининг сўровига кўра, ChatGPT сунъий интеллект боти Испаниянинг топ-клублари иштирокидаги Чемпионлар Лигаси ўйинлари учун ҳисобни прогноз қилди.
СИ (сунъий интеллект) ҳисоб-китобларига кўра, Мадриднинг "Реал" клуби "Манчестер Сити"га 1:2 ҳисобида имкониятни бой беради. Аммо шунда ҳам "қаймоқранглилар" кейинги босқичга йўл олишади, чунки дастлабки баҳсда "шаҳарликлар"ни 3:0 ҳисобида мағлуб этишган.
"Тоттенхэм" ва "Атлетико" ўртасидаги ўйинда 2:2 ҳисобидаги сермаҳсул дуранг кутилмоқда. Бу натижа биринчи учрашувда ишончли ғалабага (5:2) эришган "матрасчилар"ни тўлиқ қаноатлантиради.
"Барселона"га эса "Ньюкасл" устидан 2:1 ҳисобидаги ғалаба прогноз қилинмоқда. Жамоалар ўртасидаги дастлабки баҳсда 1:1 ҳисобидаги дуранг қайд этилган эди.
