«Барселона» президенти Жоан Лапорта Каталония клубига Лионель Мессининг эҳтимолий қайтиши ҳақида гапирди.
«Лео “Барселона” билан доимо ўзи истаган тарзда боғлиқ бўлиб қолади. Агар у “Барселона” каби буюк клубнинг қудратини янада мустаҳкамлаш ва ривожлантиришга ҳисса қўшмоқчи бўлса, клуб эшиклари у учун доимо очиқ», — деди Лапорта TV3 телеканалига берган интервьюсида.
Эслатиб ўтамиз, Месси 2021 йилда «Барселона»ни тарк этган эди.
Шунингдек, яқинда Лапорта «Барселона» президенти лавозимига яна қайта сайланди. Унинг янги ваколат муддати 2031 йилгача давом этади.
Ҳозирги вақтда Месси АҚШнинг «Интер Майами» клуби сафида МЛС чемпионатида тўп сурмоқда.













