Бразилия терма жамоаси бош мураббийи Карло Анчелотти «Реал» клуби яримҳимоячиси Федерико Вальверденинг Чемпионлар лигаси 1/8 финалида «Манчестер Сити»га қарши ўйиндаги (3:0) ҳаракатларини юқори баҳолади. Ушбу баҳсда у хет-трик муаллифи бўлган.

«Вальверденинг хет-трики мени ҳайратлантирмади, аммо унинг голлари жуда ёқди. Улар ҳақиқатан ҳам ажойиб эди. Ўйиндан кейин унга шундай ёздим: “Афсуски, сенда Бразилия паспорти йўқ”», — деди Анчелотти ESPN нашрига берган интервьюсида.

Жорий мавсумда Вальверде клуб даражасида 40 та учрашувда майдонга тушиб, 7 та гол урди ва 12 та голли узатмани амалга оширди.

27 ёшли яримҳимоячи Уругвай терма жамоаси сафида ўйнайди. У миллий жамоа таркибида 71 та учрашувда қатнашиб, 8 та гол урган ва 2 та ассист қайд этган.