Braziliya terma jamoasi bosh murabbiyi Karlo Anchelotti «Real» klubi yarimhimoyachisi Federiko Valverdening Chempionlar ligasi 1/8 finalida «Manchester Siti»ga qarshi o‘yindagi (3:0) harakatlarini yuqori baholadi. Ushbu bahsda u xet-trik muallifi bo‘lgan.
«Valverdening xet-triki meni hayratlantirmadi, ammo uning gollari juda yoqdi. Ular haqiqatan ham ajoyib edi. O‘yindan keyin unga shunday yozdim: “Afsuski, senda Braziliya pasporti yo‘q”», — dedi Anchelotti ESPN nashriga bergan intervyusida.
Joriy mavsumda Valverde klub darajasida 40 ta uchrashuvda maydonga tushib, 7 ta gol urdi va 12 ta golli uzatmani amalga oshirdi.
27 yoshli yarimhimoyachi Urugvay terma jamoasi safida o‘ynaydi. U milliy jamoa tarkibida 71 ta uchrashuvda qatnashib, 8 ta gol urgan va 2 ta assist qayd etgan.













