Angliya chempionatining 36-turi doirasida «Manchester Siti» 14 may kuni safarda «Nyukasl» mehmoni bo‘ldi.

Tengma-teng kurashlar ostida kechgan dastlabki bo‘limda davrozalarga 4ta to‘p kiritildi — 2:2. Ikkinchi bo‘lim o‘rtalarida esa "qarg‘alar" uchinchi golni urishdi. Ammo keyingi 4 daqiqada Ferran Torres o‘z hisobiga ikkita gol yozib, "shaharliklar"ning g‘alabasini ta’minladi. Ispaniyalik futbolchi birinchi taymda ham bitta gol muallifiga aylangan edi. Shu bois, u kecha xet-trikni rasmiylashtirdi.

Ushbu g‘alabadan keyin chempionlikni muddatidan oldin rasmiylashtirib bo‘lgan «Siti»ning ochkolari soni 83 taga yetdi. «Nyukasl» esa 39 ochko bilan 16-pog‘onani band etgan.

APL, 36-tur
14 may, juma
«Nyukasl» – «Manchester Siti» 3:4
Gollar: 1:0 – 25 Kraft, 1:1 – 39 Joau Kanselu, 1:2 – 42 Ferran Torres, 2:2 – 45, penalti Joelinton, 3:2 – 62 Uillok, 3:3 – 64 Ferran Torres, 3:4 – 66 Ferran Torres.
«Nyukasl»: Dubravka, Fernandes (Geyl, 88), Dammett, Kraft, Ritchi (Longstaff, 84), Uillok, Merfi, Shelvi, Almiron, Sen-Maksimen, Joelinton (Lyuis, 84).
«Manchester Siti»: Karson, Erik Garsiya, Ake, Uoker, Joau Kanselu (Mendi, 74), Gundo‘g‘on, Rodri, Ferran Torres, Bernardu Silva, Sterling, Gabriel Jezus.
Ogohlantirishlar: Ritchi (36), Rodri (44), Joau Kanselu (56), Shelvi (59).