Лондоннинг «Арсенал» жамоасига тегишли ярим ҳимоячиси Томас Партига Италия чемпионатидан таклиф бор. Бу ҳақда Transfermarketweb хабар бермоқда.
Манбанинг хабарига кўра, Италия чемпионига айланган Миланнинг «Интер» клуби 27 ёшли ганалик футболчининг хизматларига қизиқиш билдирмоқда.
«Нерадзурри» устози Антонио Контега африкаликнинг ўйин услуби маъқул келади.
Парти 2020 йилда «Атлетико»дан «Арсенал»га кўчиб ўтган. Томонларнинг ўзаро шартномаси 2025 йилгача имзоланган.
Ушбу мавсум Томас Англия Премьер-лигасида 22 учрашув ўтказиб, 2 голга муаллифлик қилган.
