«Бавария» ҳужумчиси Роберт Левандовски ўзининг ажойиб ютуғи ҳақида фикр билдирди. 

«Мен бир пайтлар имконсиз бўлиб туюлган мақсадга эришдим. «Бавария» тарихини яратаётганимдан ва Герд Мюллер сингари афсоналар изидан юриб, мухлислар ўз фарзандларига айтадиган воқеада қатнашаётганимдан ниҳоятда хурсандман.

Шахсий рекордлар футболда фақатгина жамоадошлар туфайли амалга оширилади ва мен уларга ва «Бавария»нинг барча ходимларига миннатдорчилик билдираман.

Мен ҳар доим ўзимдан кўпроқ нарсани кутаман ва янги чегараларни енгиб ўтишни хоҳлайман. Бу менинг йўлим. Менга ишонганингиз учун ташаккур", - деб ёзди футболчи ўзининг Инстаграм саҳифасида.

Бундеслиганинг жорий мавсумида 32 ёшли ҳужумчи 28 учрашувда 40 гол уришга муваффақ бўлди.