«Темур Алимхўжаев мураббийлигидаги 1998 йилда туғилган ўсмирлардан иборат Ўзбекистон U-14 терма жамоаси 4-10 февраль кунлари Тошкентда йиғин ўтказади», - деб хабар тарқатди ЎФФ расмий твиттери.

Расмий тивттер томонидан шу хусусда тарқатилган кейинги хабарларга кўра, Ўзбекистон U14 терма жамоаси шу йилнинг 4-17 апрель кунлари Покистон пойтахти Исломод шаҳрида ўтказиладиган ОФК футбол фестивалида қатнашади.

«Бу терма жамоанинг ҳисоб бўйича олтинчи йиғини, аммо янги 2012 йилда илк марта йиғиляпмиз. 4-10 февралдаги йиғинда асосий таркиб аъзоларидан ташқари 6 та янги футболчи кўрикдан ўтади», — дея Темур Алимхўжаев сўзларидан иқтибос келтирмоқда ЎФФ расмий твиттери.