«Барселона» ҳимоячиси Жорди Альба Ла Лиганинг 37-турида «Сельта»га қарши ўйиндан (1:2) сўнг ўз фикрларини билдирди.
«Биринчи бўлимни жуда яхши ўтказдик, рақибда деярли имконият йўқ эди. Аммо улар барибир жарима майдони ташқарисидан гол урди. Шундан сўнг, вазият назоратдан чиқиб кетди.
Биз тўртта муҳим ўйинда ғалаба қозона олмадик - бу шармандалик. Бунда албатта биз футболчилар айбдормиз. Биз муҳим паллаларда ғалабага эриша олмадик.
Умид қиламанки, бу Мессининг «Камп Ноу»даги сўнгги ўйини эмас. Гарчи сўнгги қарор унга боғлиқ бўлса ҳам», - дейди Альба.
