«Тоттенхэм» клуби ҳужумчиси Ҳарри Кейн мавсум якунида Лондон клубини тарк этиши кутилмоқда.
The Times’нинг ёзишича, англиялик форвард «Тоттенхэм»ни тарк этмоқчи, аммо Англия Премьер-лигасида қолишни истамоқда. Манбанинг хабарига кўра, Кейннинг трансфери бўйича «Барселона» футболчининг агенти ва Лондон клубига таклиф жўнатган. Бироқ англиялик ҳужумчи Ла Лигага кўчиб ўтмоқчи эмас.
Аввалроқ, Кейнга «Манчестер Юнайтед», «Манчестер Сити» ва «Челси» клублари қизиқиш билдираётгани, аммо клуб президенти Даниэл Леви Ҳаррини асосий рақобатчилари сафига қўйиб юбормоқчи эмаслиги ҳақида хабар берилганди.
Маълумот учун, Кейн жорий мавсум АПЛ ўйинларида 33 ўйинда 22та гол муаллифига айланиб, турнирнинг энг яхши тўпурари бўлиб турибди.
