«Tottenxem» klubi hujumchisi Harri Keyn mavsum yakunida London klubini tark etishi kutilmoqda.

The Times’ning yozishicha, angliyalik forvard «Tottenxem»ni tark etmoqchi, ammo Angliya Premyer-ligasida qolishni istamoqda. Manbaning xabariga ko‘ra, Keynning transferi bo‘yicha «Barselona» futbolchining agenti va London klubiga taklif jo‘natgan. Biroq angliyalik hujumchi La Ligaga ko‘chib o‘tmoqchi emas.

Avvalroq, Keynga «Manchester Yunayted», «Manchester Siti» va «Chelsi» klublari qiziqish bildirayotgani, ammo klub prezidenti Daniel Levi Harrini asosiy raqobatchilari safiga qo‘yib yubormoqchi emasligi haqida xabar berilgandi.

Ma’lumot uchun, Keyn joriy mavsum APL o‘yinlarida 33 o‘yinda 22ta gol muallifiga aylanib, turnirning eng yaxshi to‘purari bo‘lib turibdi.