Ниҳоят Италия кубоги ярим финалининг тўртинчи иштирокчиси маълум бўлди. Кеча ва аввалги кунги ўйинларда “Ювентус”, “Наполи” ва “Сиена” жамоалари рақиблари устидан ғалаба қозонишганди. Бугун эса “Милан“ ўз майдонида “Лацио”ни қабул қилди ва ишончли ғалабага эришди.

Демак, Италия кубоги ярим финалида “Милан” “Ювентус” билан куч синашса, “Наполи” “Сиена” қаршилигини енгишига тўғри келади.

 МИЛАН – ЛАЦИО – 3:1

Голлар: 0:1 – Сиссе (5), 1:1 – Робиньо (15), 2:1 – Зеедорф (18), 3:1 – Иброҳимович (84).

МИЛАН: Амелия, Бонера, Месба, Мексес, Абате, Ночерино, Меркель (Иброҳимович, 70),ал - Шарави, ван Боммел, Зеедорф (Эмануэлсон, 74), Робиньо (Кальвано, 90).

ЛАЦИО: Маркетти, Конко, Диас, Диаките (К. Ледесма, 46), Станкявичюс, Лулич, А. Гонсалес, Эрнанес, Матузалем (дель Неро, 77), Рокки (Клозе, 63), Сиссе.