Испания футбол федерацияси (RFEF)нинг Ҳакамлар қўмитаси (CTA) Испания кубоги чорак финал Барселона ва Реал клублари ўртасидаги баҳсни бошқарган Фернандо Тейшерани жазолашга қарор қилди.
Айтиб ўтиш жоизки, учрашувдан кейин қироллик клуби раҳбарияти ҳакамдан жуда норози эканлигини билдиришганди. Ҳакамлик ишини қайта кўриб чиққан СТА Тейшерага қониқарсиз дея баҳо берган. Қўмитанинг қарорига кўра Фернандо Тейшера ушбу мавсумда етакчи клублар ўртасидаги баҳсни бошқармайдиган бўлди.
Ушбу қарорга аниқлик киритаркан, СТА ҳакамнинг учрашувда жуда суст ҳаракат қилганини, вазиятларга тўғри баҳо бера олмаганини ва икки клуб аъзоларига ҳам кўнгилчан бўлганини сабаб қилиб кўрсатади.
