Ҳимоячи Алессио Романьоли ушбу ёзда «Милан»ни тарк этиши мумкин. Бу ҳақда журналист Николо Шкира ўзининг твиттерида хабар берди.
Манбанинг маълум қилишича, «россонерилар» «Челси»дан «Милан да ижарада ўйнаган инглиз ҳимоячиси Фикайо Томорини сотиб олиш учун ишламоқда. Қайд этилишича, Романьоли Италия клуби мураббийи Стефано Пиоли учун устувор вазифа эмас.
Тугатилган Италия чемпионатида 26 ёшли Романьоли 22 учрашувда майдонга тушди ва бир гол, бир ассистга муаллифлик қилди. Италияликнинг клуб билан шартномаси 2022 йил ёзида ўз ниҳоясига етади. Футболчи 20 миллион эврога баҳоламоқда.
23 ёшли Томори А Сериянинг 17 учрашувида иштирок этиб, битта гол урди.
Эслатиб ўтаммиз, якунига етган мавсумда «Милан» 79 очко билан иккинчи ўринни эгаллади ва кейинги мавсумда Чемпионлар Лигаси йўлланмасини қўлга киритди.
