Испания Ла Лигасида «дев» билан «пакана» учрашди. Пешқадам «Реал» клуби ўз майдонида сўнгги ўриндан бораётган «Сарагоса»ни қабул қилди ва айтиш керакки, ғалаба осонлик билан қўлга киритилгани йўқ. Кака чап қанотдан жарима майдонига кириб бориб, ҳисобни тенглаштирганида, учрашувнинг учдан бири ортда қолганди.
Иккинчи таймда бирибир «Реал» ўз сўзини айтди. Аввалига, Бензема-Гранеро- Ўзил комбинациясини Криштиану голга айлантирди. Ўнг қанотдан ерлатиб оширилган тўпни бўш дарвозага осонлик билан киритиб, мавсумдаги 25 голли довонни забт этди.
Кейин эса Кака Ўзилни дарвозабон билан яккама якка чиқарди. Бу гол лиганинг энг яхши асиссентларидан бири бўлган Ўзилнинг 2011/12 чемпионатдаги илк голи эди. Қолган дақиқаларда айтарли воқеалар бўлмади, жамоалар хотиржамлик билан ўйин тугашини кутишди.
РЕАЛ МАДРИД– САРАГОСА – 3:1
Голлар: Кака (32), Роналду (49), Ўзил (56) — Лафита (12).
РЕАЛ МАДРИД: Касильяс, Пепе, Карвалью, Марсело, Алонсо (Л. Диарра, 61), Кака (Кальехон, 67), Ўзил, Гранеро, Хамит Алтинтўп, Бензема (Игуаин, 72), Роналду.
САРАГОСА: Р. Ҳименес, Паредес, да Сильва, Ландзаро, Обрадович, Рубен Микаэл (Поштига, 55), Дуймович, Апоньо, Лафита, Луис Гарсия (Минеро, 73), Аранда (Баррера, 66).
Огоҳлантиришлар: Паредес (26), Роналду (63).
БОШҚА ЎЙИНЛАР:
«ЭСПАНЬОЛ» – «МАЛЬОРКА» 1:0 (1:0)
Гол: Вайс, (18).
«РАЙО ВАЛЬЕКАНО» – «АТЛЕТИК» 2:3 (2:2)
Голлар: Льоренте (17, 23, 68) — Мичу (11), Аррибас (27)
