«Барселона» ярим ҳимоячиси Френки де Йонг оғир жароҳатдан кейин тикланишда давом этмоқда.

Нидерландиялик футболчи Жаҳон чемпионатида миллий терма жамоа сафида ҳаракат қилган вақтида жароҳат олган. Кутилишича, ярим ҳимоячи йил охиридан олдин сафга қайтмайди.

Sport нашри маълумотига кўра, клубда футболчининг тикланиш жараёнидан норозилик мавжуд. Де Йонг жароҳат олганидан бери олти ҳафта ўтган бўлса-да, даволаш жараёни кутилган натижани бермаяпти. Шу билан бирга, футболчига ҳанузгача жарроҳлик амалиёти ўтказилмаган.

Френки де Йонг ўтган йил октябрь ойида «Барселона» билан 2029 йил ёзигача мўлжалланган янги шартнома имзолаган. Нидерландиялик футболчи каталонияликлар сафида 2019 йил ёзидан буён тўп тепиб келмоқда.