Англиянинг собиқ дарвозабони Дэвид Жеймс «Ливерпуль» ҳужумчи Муҳаммад Салоҳдан қутулиши керак деб ўйлайди. Жеймс аминки, "қизиллар" мисрликсиз яхши ўйнаб кетишади.
«У Олтин бутса пойгасида иштирок этиши мумкин, аммо менимча «Ливерпуль» Салоҳсиз янада яхши кўринишга эга.
Салоҳсиз Жота «Ливерпуль»нинг анъанавий учлик ҳужумига жуда мос келади ва Роберто Фирмино кўпроқ эркинликка эга бўлади. «Ливерпуль» Салоҳни сотиб пул ишлашни ўйлаб кўриши керак.
Агар ҳамма нарса менга боғлиқ бўлса, мен ҳозир Салоҳни сотардим. Ва шуни таъкидлашни истардимки, мен уни ҳеч қачон ёмон футболчи деб ҳисобламайман, шунчаки услуби мос эмас», - дейди Жеймс.
