Мамлакатимизнинг амалдаги чемпиони “Бунёдкор” ўз машғулотларини “Жар” стадионида давом эттирмоқда.
Хабарингиз бор, Миржалол Қосимов шогирдлари 11-25 январь кунлари Дубайда икки ҳафталик ўқув-машғулот йиғинини ўтказишиб, сешанба куни пойтахтимизга қайтиб келишган эди.
Шундан сўнг, футболчиларга уч кунлик қисқа таътил берилди. Бироз ҳордиқ чиқариб олган “қалдирғочлар” бугун “Жар” стадионида тўпланишиб, машғулотларга киришишди.
Жамоа аъзолари куннинг иккинчи ярмида “Жар”да йиғилишди ва стадионнинг кичик аренасида олиб борилган машғулотда иштирок этишди. Тошкентда 31 январга қадар шуғулланилади. Февраль ойининг илк кунидан бошлаб “Бунёдкор”нинг машғулотлари Туркиянинг Анталия шаҳрига кўчади.