Франциялик футболчи Жюль Кунде ёзги трансферлар вақтида «Севилья»дан кетиши мумкин. Англия клублари 22 ёшли ҳимоячига қизиқиш билдирмоқда.
Лондоннинг «Арсенал» ва Манчестернинг «Манчестер Юнайтед» клублари футболчи билан шартнома имзоламоқчи. Олдинроқ «қизил иблислар» футболчи сотиб олиш учун 70 миллион евро ажратишга тайёрлиги ҳақида хабар берилган эди.
Футболчининг нархи 60 миллион еврога баҳоланмоқда. Унинг андалусияликлар билан тузган шартномаси 2024 йил ўрталарига қадар амал қилади.
Маълумот ўрнида, ўтган мавсумда Кунде Испан клуби билан бирга 34 учрашув ўтказди ва иккита гол урди.
