«Милан»нинг Тевес борасидаги янги таклифи ҳақидаги хабарни Corriere dello Sport тарқатмоқда.
Клублар илгарироқ аргентиналик ҳужумчининг трансфери борасида бир тўхтамга келиб бўлишган эди, бироқ Тевес янги клубда ўрнаша олмаса тўланадиган компенсация суммаси бўйича ихтилоф юзага келган эди. «Шаҳарликлар» бундай ҳолат юз берганда 8 миллион евро тўлашни кафолатлашни талаб қилишган, «россонерилар» эса бундай қадам босишга тайёр эмасликларини билдиришган. Энди эса «Милан» шу масала юзасидан ён бериши кутилмоқда.
Таъкидлаб ўтиш жойизки, «Милан» илгарироқ бошқа бир ҳужумчи — Макси Лопес билан ўз сафини тўлдириб олган эди.
