«Барcелона» президенти Хуан Лапорта ҳозирда «Манчестер Сити»ни бошқараётган Пеп Гвардиолани жамоасига қайтмоқчи.

Asнинг маълум қилишича, якшанба куни, «Ман Сити» ва «Челси» ўртасидаги Чемпионлар Лигаси финалидан сўнг, Лапорта Гвардиола билан боғланиб, уни «Барселона»га қайтишга таклиф қилада.

Президент ушбу ўйиндан олдин мураббий билан боғланмайди, чунки у Гвардиола ҳозир бор эътиборини тўлиқ финалга тайёргарлик кўришга қаратилганлигини тушунади ва агар у Пепни чалғитса, бу ишга фақат зарар етказишини билади.

Лапорта Гвардиолани «Барса»га қайтишига кўндира олишига ишонмоқда. Менежернинг мақсади испанияликни 2022/23 йилги мавсумдан бошлаб жамоани бошқаришга ишонтиришдир. Агар бу амалга ошса, Роналд Куман яна бир йилни клубда ўтказади ва кейин кетади.

Эслатиб ўтамиз, Гвардиола яқинда «Ман Сити» билан шартномасини 2023 йилгача узайтирди. Унинг инглиз клуби билан шартномасида ҳамкорликни яна бир мавсумга узайтириш банди мавжуд.