Симоне Инзаги «Лацио»ни шуғуллантиришда давом этади.
45 ёшли италиялик мутахассис кеча Рим клуби президенти Клаудио Лолито билан кечки овқат вақтида янги шартнома борасида келишиб олди.
Инзагининг «Лацио» билан шартномаси 2024 йилга қадар узайтирилади ва Симоненинг йиллик маоши 2,2 млн евро бўлади. Бонуслар тақдим этилади.
Олдинроқ, Симоне Инзаги Антонио Контенинг кетганидан кейин «Интер» бош мураббийлиги учун асосий номзодлардан бири саналаётганди. Милан клуби «бургутлар» устози ҳақида маълумот сўраган ва унга шахсан қўнғироқ қилишганди.
Инзаги «Лацио»но 2016 йилдан бери бошқариб келаётганди. У Италия Кубоги ва икки марта Суперкубогида ғалаба қозонган. Жорий мавсум жамоа А Серияни 6-ўринда якунлади ва Европа Лигасига йўлланмани қўлга киритди.
