«Ньюкасл» ярим ҳимоячиси Жо Уиллок Англия Премьер Лигасининг май ойидаги энг яхши ўйинчиси деб топилди.

Англиялик футболчи май ойида Премьер Лигада тўртта ўйин ўтказиб, 4 та гол муаллифига айланди.

Мазкур соврин учун шунингдек, қуйидаги футболчилар кураш олиб борганди:

Гарет Бэйл («Тоттенҳэм») — 5 ўйинда 5 та гол;
Алиссон («Ливерпуль») — 5 ўйиннинг 3 таси «қуруқ» ва 1 та гол;
Кристиан Бентеке («Кристал Пэлас») — 5 ўйинда 4 та гол;
Садио Мане («Ливерпуль») — 5 ўйинда 3 та гол ва 2 та ассист;
Николя Пепе («Арсенал») — 4 ўйинда 5 та гол;
Аарон Рэмсдейл («Шеффилд») — 5 ўйиннинг 2 таси «қуруқ»;
Родриго («Лидс») — 5 ўйинда 4 та гол ва 1 та ассист.

Шунингдек, Премьер Лига ойнинг энг яхши мураббийи номини ҳам эълон қилди. Унга кўра «Ливерпуль» бош мураббийи Юрген Клопп ғолиб деб топилди. Мерсисайд клуби германиялик мутахассис қўл остида 5 ўйин ўтказиб, уларнинг барчасида зафар қучди.

Мазкур соврин учун қуйидаги мураббийлар кураш олиб борганди:

Микель Артета («Арсенал») — 5 ўйинда 5 ғалаба;
Марсело Бьелса («Лидс») — 5 ўйин 4 ғалаба ва бир мағлубият;
Дэвид Мойес («Вест Ҳэм») — 5 ўйинда 3 ғалаба, биттадан дуранг ва мағлубият.

Эслатиб ўтамиз, апрель ойида «Ньюкасл» бош мураббийи Стив Брюс ойнинг энг яхши мураббийи деб топилган бўлса, «Вест Ҳэм»да ижарада ўйнаётган Жесси Лингард энг яхши футболчи номига лойиқ кўрилганди.