Бельгиянинг "Генк" клуби ярим ҳимоячиси Кевин де Брюйне яқин соатлар ичида Лондоннинг "Челси" клуби билан шартнома имзолайди. Бу хақда Лондон клубининг расмий сайти хабар берди.
20 ёшли иқтидорли футболчи учун "Челси" 6.8 миллион фунт-стерлингдан воз кечган. Футболчи билан эса 5,5 йиллик шартномага имзо чекиладиган бўлди.
Шартнома имзолангач, футболчи яна Бельгияга қайтиб кетади ва ўзининг ҳозирги жамоаси "Генк"да мавсум охиригача ижарада ўйнайдиган бўлди.
Андре Виллаш-Боаш бу хариддан жуда хурсанд эканлигини яшириб ўтирмади.
"Клуб келажаги учун жудаям яхши харид бўлди, деб ўйлайман. Биз бу футболчини деярли бир йилдан бери кузатамиз. Унинг яхши камол топиши, келажакда бизга фойда келтирадиган футболчи бўлиши учун қўлимдан келганча унга ёрдам беришга тайёрман", - дейди "Челси" устози "Goal.com" нашрига берган интервьюсида.
