"Нефтчи"нинг биринчи ва иккинчи голларига Баҳодир Насимов муаллифлик қилди. Ўйиннинг 22-дақиқасида Гусейнов узатиб берган пасни ҳамюртимиз бош билан рақиб дарвозасига жойлаб қўйди. 39-дақиқада эса Насимов дарвозабон билан бирга-бир вазиятга чиқиб борди ва ҳисобни 2:0га етказди
Хабарингиз бор, мусобақанинг 1-турида "Нефтчи" Украинанинг "Металлист" жамоасига 1:3 ҳисобида ютқазган бўлса, "Пахтакор" Польшанинг "Полония"сига имкониятни бой берганди. Демак, сўнгги тур олдидан "В" гуруҳи жамоалари ҳисобида биттадан ғалаба ва биттадан мағлубият бор.
НЕФТЧИ - ПОЛОНИЯ - 3:1 (2:0)
Голлар: Насимов (22, 39), Имамвердиев (90) — Тралка (80)
